bilatzailea
larunbata, 2018eko urtarrilaren 20a

ALBISTEAK

2018/19 Matrikula

2018-01-12

2018/19 Matrikula

Epea zabalik urtarrilaren 29tik otsailaren 9ra bitarte

 

 

 

2018/19 ikasturterako matrikula epea urtarrilaren 29tik otsailaren 9ra bitarte izango da.

Matrikula egiteko, Laubidietako bulegora etorri behar duzue. Internetez ere egin daiteke horretarako dagoen aplikazioa erabiliz.

Zuzenean egiteko,  derrigorrezkoa da hitzordua adostea. Horretarako, begira itzazue hemen libre dauden orduak, eta ondoren dei ezazue telefonoz bulegora (943 555 423) edo bidal ezazue e-mail bat zuen ordutegia proposatuz. Berehala erantzungo dizuegu.

Etortzerakoan, honako dokumentuak ekarri behar dituzue:

Gurasoen edo tutoreen NANaren fotokopiak

Familia liburuaren fotokopia

Errolda agiria (familia osoarena)

Bestelako agiriak (elbarritasuna, familia ugaria, hezkuntza premia bereziaren beharra…)

Matrikula eskabide bakar bat entregatu behar da (eskola bakar batean). Eskabide bat baino gehiago aurkezten baduzu, egokitu dakizukeen ikastetxea hautatzeko eskubideak galduko zenituzke.

Ezarritako epean aurkeztutako eskabide guztiak onartuak eta baldintza beretan bideratuak izango dira, aurkeztutako data kontuan hartu gabe.

 

Halaber, gure ikastolako hezkuntza proiektua eta funtzionamenduari buruz informazioa jaso nahi duzuenontzat, bilera batzuk antolatu ditugu. Bilera hauek Laubidietan izango dira urtarrilaren 30ean (asteartea):

17:00etan: euskaraz

18:00etan: gazteleraz

Bilerara etortzeko interesaturik bazaudete, dei ezazue ikastolara (943 555 423) edo bidal ezazue e-maila, zein ordutan nahi duzuen adieraziz.

Bestalde, Meabe eraikina (Haur Hezkuntzakoa) bisitatzeko aukera izango duzue urtarrilaren 31n eta otsailaren 1ean, arratsaldeko 15:30etatik 17:00etara. Ez duzue izena eman beharrik. Ordutegi horretan bertan azaldu eta norbaitek artatuko zaituzte.

Material osagarria
Iruzkinak(0)
Idatzi zure iruzkina

Ondorengo eremuak bete. * dutenak derrigorrez bete behar dira.

   
  Izena*

  E-posta*

  Mezua*

   
  Idatzi segurtasun kodea*